ឯកឧត្តម អ៊ុច បូររិទ្ធ អញ្ជើញជួបពិភាក្សាការងារជាមួយលោកស្រី Amélia Lakrafi សមាជិការដ្ឋសភាបារាំង
នៅថ្ងៃព្រហស្បតិ៍ ទី១០ ខែកក្កដា ឆ្នាំ ២០២៥ នៅវិមានរដ្ឋសភាបារាំង ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា និងជាអនុប្រធានសភាប្រើភាសាបារាំង បានអញ្ជើញជួបពិភាក្សាការងារជាមួយលោកស្រី Amélia Lakrafi សមាជិការដ្ឋសភាបារាំង និងជាអគ្គប្រតិភូសភាប្រើភាសាបារាំង ដែលនៅក្នុងឱកាសនោះ លោកស្រីបានសម្តែងនូវការអបអរសាទរចំពោះព្រះរាជាណាចក្រកម្ពុជា ដែលទទួលធ្វើជាម្ចាស់ផ្ទះរៀបចំកិច្ចប្រជុំកំពូលហ្រ្វង់កូហ្វូនី នៅក្នុងឆ្នាំ២០២៦ និងចាត់ទុកជាព្រឹត្តិការណ៍ប្រវត្តិសាស្រ្តនៅក្នុងតំបន់អាស៊ីអាគ្នេយ៍។
ឯកឧត្តមអនុប្រធានទី១ព្រឹទ្ធសភា បានវាយតម្លៃខ្ពស់ចំពោះកិច្ចសហប្រតិបត្តិការដ៏ល្អប្រសើររវាងសភាកម្ពុជា និងអង្គការសភាប្រើភាសាបារាំង និងបានថ្លែងអំណរគុណចំពោះការជួយឧបត្ថម្ភក្នុងការបណ្តុះបណ្តាលមន្ត្រីសភាកម្ពុជា នៅក្នុងផ្នែកភាសាបារាំង និងការងាររដ្ឋបាលសភា។
ប្រភព៖ នាយកដ្ឋានកិច្ចការហ្រ្វង់កូហ្វូន
